Inngjekk intensjonsavtalar om helsesamarbeid

Intensjonsavtalar om helsesamarbeid i Hardangerbadet vart signerte i ettermiddag.

Tung fagkompetanse på helsefeltet var samla i heradsstyresalen. Ei rekkje medverkande aktørar deltok då ideane om prosjektet vart gjennomgått av dei medverkande.

Etter presentasjonar og ein kort debatt om vidare framdrift signerte Kvam herad, Helse Bergen HF og Helse i Hardanger AS avtalar som forpliktar dei til å samarbeida vidare for å utvikla eit nytt helsetilbod i bade- og helseanlegget i Øystese.

Mykje skal på plass enno, men optimismen var formeleg til å ta og føla på. Administrerande direktør i Helse Bergen omtala prosjektet som eit tverrfagleg laboratorium for innovative helsetenester.

Mellom anna rolleavklaring, finansiering og ikkje minst prosjektutvikling vil verta arbeidd vidare med dei neste månadene.

Du kan lesa meir om saka i HF fredag.