Ingen nye smittetilfelle avdekte

Kvam har framleis berre ferske tre tilfelle av koronasmitte.

Det melder Kvam herad sundag. Over hundre er testa sidan dei tre tilfella vart påviste tidlegare denne veka.

Dette inneber at tiltaka som vart innførte før helga, i fyrste omgang ikkje vert lengde. Heradet oppmodar heller ikkje lenger om å avlysa arrangement og fritidsaktivitetar, men minner om trongen for å ta smittevernomsyn. Folk kan igjen vitja sjukeheimane frå tysdag.

– Dette viser at kvemmingane følgjer smittevernråda i kvardagen, og at me sjølve er den viktigaste ressursen me har for å unngå smittespreiing. Gjennom å halda fram med dette kan me unngå nye utbrot og unngå tiltak som gjer kvardagen litt tyngre, seier ordførar Torgeir Næss (Ap).