Framleis er ni smitta

Kommunen har fått 18 negative prøvesvar måndag. I alt 70 sit framleis i karantene.

Det melder Ullensvang kommune i ei pressemelding måndag kveld. Nokre av dei karanteneråka går ut av karantenen ved midnatt som følgje av negative testsvar.

I alt ni er smitta. Desse tilhøyrer fire husstandar. Kommunen har måndag fått stadfesta smitte på dei som testa positivt på snøggtestar sundag. Kommunen ventar på berre to prøvesvar. Mange vert difor tekne ut av ventekarantene no.

Om lag 70 personar knytte til smitteutbrotet er testa måndag. Om lag 20 andre er testa.