Ingen braut fartsgrensa
Alle var lovlydige då farten i Netelandsvegen vart målt i ti dagar.
Publisert
Kvam herad målte farten på vegen i Steinsdalen 27. oktober–7. november. Det går fram av eit kommunalt notat.
Den elektroniske fartstavla var plassert på venstre side av vegen oppover og registrerte 1.149 køyretøy totalt. Det gjev ein årsdøgertrafikk på 104 køyretøy.
Annonse
Gjennomsnittsfarten mot Neteland var 27 kilometer i timen. I retning mot Steine var snittfarten 28 kilometer i timen.
Trafikken nedover fekk tilbakemelding frå tavla. Den høgaste farten nedover var 44 kilometer i timen. Det same var den høgaste farten oppover. Ingen køyrde over fartsgrensa, som ifylgje vegkartet er 50 kilometer i timen.
298 køyretøy passerte målepunktet i meir enn 30 kilometer i timen. Det utgjer 26 prosent av trafikkmengda i måleperioden, ifylgje rådmannen.
