Ingen avvik ved bufellesskapet i Vik
Men Ullensvang brann og redning hadde to merknader under eit branntilsyn i Jondal i februar.
I rapporten skriv branningeniør Bjørn Finne at brannalarmanlegget dekkjer heile bygget, men at varslinga bør vidareførast til 110-sentralen. Vidareføring vil vera ekstra tryggleik for dei tilsette ved hendingar, heiter det i rapporten.
Det same kan ein lesa om i rapporten frå 2021.
Annonse
Det bør òg gjerast ei risikovurdering eller ei brannvurdering av bufellesskapet, skriv Finne.
– Ifylgje avdelingsleiar treng alle bebuarar assistanse ved rømming. Bygget er forma med alternativ rømmingsveg gjennom vindauge og stige for enkelte leilegheiter i andre etasje, står det i rapporten.
Ifylgje rapporten bør det vurderast om det er naudsynt med tiltak for å dokumentera at bruken er brannsikker, spesielt med tanke på rømming.
