– Ikkje berre solskinsdagar på store skular

«Ein stor strek i planen.» Det kallar dei den nemnde utviklinga i eit innspel til Kvam herad i saka som gjeld nedlegging av skulen. Vona deira var at vesleguten kunne gå på ein liten nærskule som han kan gå eller sykla til og frå.

– Sjølv om det er litt få ungar på skulen, så ser ein at det er mange unge som no har flytta til bygda og fleire som ynskjer det. Ved å leggja ned skulen kan dette endra seg. Me kjenner til at det er ikkje berre «solskinsdagar» på dei større skulane, med mykje uro i klassane og store, fulle klassar. Dette meiner me er eit minus ved å gå på ein større skule, skriv paret.

– Jobb for å behalda skulen, og viss det er problem med lærarar og undervisinga, ta det opp med skuleleiinga, oppmodar paret i fråsegna.