– I strid med lovverket

Vedtaket om dispensasjon for badehuset i Vik i Jondal vert truleg oppheva. Måndag kjem saka omsider til handsaming i plan- og driftsutvalet.Både Fylkesmannen og Torleiv B. Jondahl klaga på vedtaket i vår. Rådmannen grunngjev tidsbruken med dårleg kapasitet og at ein har venta på reguleringsplan for området. Planen har vore på høyring, og badehuset er med i han.Rådmannen meiner det er godt dokumentert at badehuset er bygt for ålmenta, all den tid der er inngått avtale om offentleg bruksrett. Jondahl har sett spørjeteikn ved trongen for eit tredje badehus i Jondal. Rådmannen skriv at motivasjonen for kommunal deltaking er å gje brukarane av badeplassen ved hotellet Hardanger House eit toalett- og garderobetilbod, å auka tilgangen til området og å gje området ei andletslyfting.Rådmannen vedgår igjen at kommunen burde ha stilt krav om regulering frå starten, noko som kunne ha fjerna ein del problemstillingar.Ettersom Fylkesmannen etter ei synfaring i august heldt fast ved klagen, rår rådmannen til å ta klagane til følgje. Han vedgår at vedtaket ikkje er i tråd med gjeldande lovverk og er gjort på feil grunnlag.