– I dårleg stand

Det spør Tone Geirsdatter Solvang om i eit brev til Kvam herad. Ho peikar på at fleire av apparata er i dårleg stand, og at nokre av dei er i så dårleg stand at dei burde vore fjerna av tryggleiksomsyn.

Solvang uroar seg over at det ikkje har vore gjort noko med dette, sjølv om apparata ifylgje henne har vore i dårleg forfatning i fleire år.

Ifylgje Arild Lilleskare i Vikøy/Aksnes Grendautval er det Kvam herad som eig apparata, men det var grendeutvalet som i si tid monterte dei. Ein skriftleg avtale om vedlikehald er ikkje skriven, men det er grendeutvalet som har hatt med det å gjera, seier han. Det finst ein plan for vedlikehaldet, og han takkar for påminninga.

– Eg skal sjå på det, seier han til HF.