— Hugs vernebriller på nyttårsaftan!
Mange forbind nyttårsfeiringa med fyrverkeri, men ikkje alle er like flinke til å beskytte seg, minner Norsk brannvernforening på.
Etter at forbodet mot pinnerakettar vart innført i Noreg i 2008, har talet på skadar som følgje av fyrverkeri gått ned. Likevel er det om lag 15 personar i snitt som får augeskadar kvart år, skriv Norsk brannvernforening i ei pressemelding.
Felles for dei som har fått augeskadar ved bruk av fyrverkeri dei siste åra, er at dei ikkje har teke i bruk vernebriller.
Artikkelen held fram under annonsen.
— Fyrverkeri er eksplosiv og må behandlast med varsemd. Det har blitt oppfordra i lang tid å bruke vernebriller ved oppskyting. At nokon likevel vel å gamble med synet sitt, er vanskeleg å forstå, seier Rolf Søtorp, administrerande direktør i Norsk brannvernforening.
