Hesthamar er best løna i regionen

Rådmann Anita Hesthamar (biletet) har 1,2 millionar kroner i årsløn. Det går fram av leiaravtalen hennar, som vart signert fyrst 27. september.Då heradsstyret vedtok å tilsetja henne 19. mars, tilrådde politikarane ei løn på 1,1 millionar kroner. Etter tingingar med ordførar Jostein Ljones auka summen med 100.000 kroner.Ifølgje fagbladet.no tener rådmenn over dobbelt så mykje som kommunetilsette flest. Nettstaden publiserte i vår eit oversyn over rådmannsløner i over fire hundre kommunar. Tala vart vel å merka henta inn i februar og mars, altså ei tid før Hesthamar vart tilsett av heradsstyret.Oversynet viser at rådmann Reidar Isdal i Jondal tente 930.0000 kroner. I Eidfjord var løna 940.000 kroner, i Ullensvang 936.000 kroner, i Odda 1.069.200 kroner, i Granvin 835.000 kroner, i Ulvik 960.000 kroner og på Voss 1.020.000 kroner. I oversikta er løna til Hesthamar oppgjeven til å vera dei tilrådde 1,1 millionar kronene, men dette talet stemmer altså ikkje med resultatet av tinginane med ordføraren.