Heradsstyremøtet i Kvam vert digitalt
Planen om møte i Kvam rådhus torsdag rauk i kveld.
Formelt sett kunne møtet vore avvikla, men ordførar Torgeir Næss (Ap) legg stor vekt på signalet frå regjeringa i kveld om redusert kontakt. Dessutan framhevar han at talet på smittetilfelle har stige i Kvam i det siste.
I ein e-post til heradsstyret i kveld gjer Næss greie for avgjerda han har teke. Han skriv at partigruppene gjerne må samlast i lokale der det er mogeleg å halda ein meters avstand.
Artikkelen held fram under annonsen.
– Det er ikkje optimalt, men me har greidd det tidlegare, skriv han.
Næss opplyser til HF at møtet vert strøymt på kommune-tv dersom dei høgare tekniske maktene vil det slik.
Mellom anna budsjettet for 2022 og økonomiplanen for dei neste fire åra står på saklista, saman med ymse annan snaks.
