Her vart det stopp
Lenger kom ikkje semitraileren tysdag morgon.
Sjåføren av semitraileren kom frå aust på Hardangerfjordvegen og svinga ned mot Hardanger Byggsenter på Tolo i Norheimsund.
– Vegarbeid førte til at svingen var mindre enn vanleg, slik at tilhengaren ville gått over muren på parkeringsplassen om ikkje sjåføren hadde stoppa, fortel Magne Vikøren, kommunikasjonsdirektør i Moelven Industrier ASA.
Sjåføren klarte ikkje svingen. Bakhjula vart ståande på muren, medan fronten nesten enda i grusen.
– Sjåføren fekk hjelp av entreprenørane som dreiv med vegarbeidet til å fjerna ein grushaug og trekkja litt i tilhengaren då sjåføren rygga opp att, seier Vikøren.
Verken menneske, materialar eller trelast kom til skade. Trelasta vart levert til kunden, og sjåføren kunne køyra vidare til neste stopp, opplyser Vikøren.
