— Held hardt på riggområde

Årsaka er at Vestland fylkeskommune meiner området verksemda vil utvida i, trengst til riggområde i samband med bygging av tunnel til Kvamskogen.

Det opplyste varaordførar Frode Nygård (Frp) i møtet i formannskapet 7. oktober. Ifylgje han har han sjølv, ordførar Torgeir Næss (Ap) og administrasjonen i Kvam herad vore i møte med planleggjarar i fylkeskommunen for å freista overtyda dei om at området ikkje bør vera bandlagt.

— Me har prøvd å løysa floken Lid er komen i, men har ikkje nådd fram, sa Nygård.

Ifylgje han vil heradet peika på alternative riggplassar på eit kart som vert sendt til fylkeskommunen.

Som HF har skrive tidlegare i haust, vil fylkeskommunedirektøren venta med å regulera tunnelen til han eventuelt er prioritert i Regional transportplan. Planen skal handsamast før jul.

— Uansett må me løysa floken til Lid, sa Nygård.