Held fast ved negativ innstilling
Øystese Røde Kors bør ikkje få stønad til ny beredskapshytte i Hamlagrø, meiner fylkesdirektøren.
Publisert
Som HF har skrive før, planlegg hjelpekorpset å reisa ei ny hytte i tråd med moderne krav til fasilitetar og standard. Fylkeskommunen er beden om tre millionar kroner i stønad.
Administrasjonen avslo søknaden i vinter, av di det ikkje finst ei passande tilskotsordning, men hovudutval for kultur, idrett og integrering vedtok i januar at saka skulle handsamast politisk.
Annonse
Fylkesdirektøren held altså på sitt og tilrår å avslå søknaden, og viser til at det ikkje er dekning i budsjettet for ei stor løyving. Han påpeikar at delar av hytta, som lageret, sanitæranlegget og garasjeanlegget, kan vera kvalifisert til å få spelepengar dersom hjelpekorpset søkjer.
Hovudutvalet drøftar saka 23. mai.
Les også:
