Haug vitja Folgefonna
– Nybygget vert fantastisk, seier ordføraren etter ein fonnatur i ruskevêr fredag.
Ved sommarskisenteret fekk Roald Aga Haug (Ap) helsa på mellom andre handverkarar som er i full sving med å ferdigstille det nye velkomstsenteret.
– Nybygget vil trekkja til seg folk i regionen og andre stader. Det har ei fantastisk utsikt, seier Haug, som ikkje ser bort frå at det kan verta aktuelt å skipa til kommunestyremøte om lag 1.200 meter over havet.
Skisenteret var ikkje i drift fredag på grunn av dårleg vêr og null gjester, men opna sundag og har elles vore ope denne veka. 15. mai vert den daglege opningstida utvida frå fire til sju timar, fortel dagleg leiar Michael Iversen i Visitfonna AS.
Haug hadde håpa å få vitja Folgefonna, der han har vore på ski fleire gonger før, på ein dag med betre vêr, men vart fasinert over kor røft det var å oppleva det motsette. Sjølv kom han seg laus då bilen stoppa i snøen på vegen, med nokre andre kom seg ikkje opp, fortel han.
Skisenteret er underlagt strenge smitteverntiltak, og kan ikkje ta mot fleire enn 300 gjester dagleg. Haug var ikkje på smitteverninspeksjon, for slikt tek andre i kommunen seg av.
