Hardangerbadet opnar i ettermiddag

Så enkelt uttrykkjer dagleg leiar Anita Storemark gleda si i ein e-post til HF fredag.

Badeanlegget har vore stengt sidan 15. desember, men etter den nye letten i tiltaka torsdag kveld er det duka for opning torsdag.

Vel å merka vert det framleis kravd smittevernfagleg forsvarleg drift av anlegget, noko som inneber at gjestene må kunna halda ein avstand på ein meter til einannan.

I smittevernplanen som torsdag kveld vart send til Kvam herad for vurdering og godkjenning, er kapasiteten difor halvert til kring nitti personar i anlegget. Planen vart godkjend, opplyser Storemark til HF.

Også Naboen Pub i Norheimsund, som har vore stengt like lenge på grunn av skjenkjeforbodet, opnar att fredag og kan no servera alkohol til klokka 23. Hardangerfjord Hotel i Øystese opnar i fyrste omgang for ta-heim-mat i helga.