Hardangerbadet: – Mindre besøk i 2021 enn i 2020
Medan oktobertala var litt betre enn i fjor, gjekk novemberbesøket i Hardangerbadet ned med 22 prosent.
Det syner besøksstatisstikken frå Hardangerbadet AS, ei rapportering som heradsstyret kravde i fjor vår. Då éin månad gjenstod av 2021, før nye smitteverntiltak stengde både badeanlegget og Hardangerfjord Hotel halvvegs ut i desember, var besøket i år vel 12.000 dårlegare enn i det fyrste heile driftsåret.
I både 2020 og 2021 har anlegget vore periodevis stengt på grunn av koronatiltak, men stenginga var mest omfattande i 2020.
Ved utgangen av oktober låg selskapet an til eit negativt årsresultat på 2,5 millionar kroner.
Då heradsstyret handsama kommunal deltaking i prosjektet i 2017, var det basert på eit budsjett med inntekter frå 61.500 selde enkeltbillettar, pluss besøket 750 årskortinnehavarar utgjer.
Besøksstatistikken vart send frå Hardangerbadet til Kvammabadet KF allereie 8. desember, men vart ikkje journalført av sistnemnde eller av Kvam herad før HF etterlyste tala etter nyttår.
Les også:
