Har tilsett ny dagleg leiar

Det skriv verksemda i ei pressemelding. Wengaard kjem frå verksemda Mowi, der han har vore konserntillitsvald og styremedlem. No vert ansvaret hans å driva visningssentera til Lingalaks i Hardanger og Nordhordland.

– Lingalaks er eit selskap som passar meg bra. Selskapet er framoverlent og torer å satsa, noko som er heilt vesentleg om me skal utvikla næringa vidare, seier 32-åringen.

Nina Møgster, dagleg leiar i Lingalaks, seier ho er svært nøgd med å ha Wengaard med på laget. Med hans erfaring og brennande engasjement for bransjen er Lingalaks Akvasenter godt rusta, meiner ho.

Tidlegare dagleg leiar Solveig Karin Botnen byrja i jobben som dagleg leiar hjå Hardanger Fjordfrukt på Utne i mai.