Har søkt om flytting
Tørvikbygd Båtlag har søkt Kvam herad om løyve til å flytta båthamna.
Anlegget, som vart flytta innan fristen i domen frå Gulating lagmannsrett, vart flytta utan løyve. No er flyttinga søkt om.
To merknader kom inn etter nabovarslinga, skriv Alutec AS, som søkjer for båtlaget. Merknadene går hovudsakleg ut på avstanden frå eigedomane i Skutevik til bryggjeanlegget. Medan målingane har teke utgangspunkt i middel høgvatn, skal det ifylgje domen takast målingar med utgangspunkt i middel lågvatn.
Uansett vil anlegget liggja med stor nok avstand, då det er lagt inn ein buffer, skriv søkjaren. Dessutan skal båtlaget endra vedtektene slik at ingen båtar kan liggja meir enn 30 centimeter utanfor utliggjaren, står det i søknaden.
I merknadene vart det òg stilt spørsmål om habiliteten til rådmann Anita Hesthamar i saka. Kvam herad har konkludert med at rådmannen er habil.
Les også:
