Har søkt om å få utvida kai

Det skjer viss H2 Hardanger AS får positivt svar frå Kvam herad, som òg er tiltakshavar, på ein søknad om rammeløyve. Føremålet er å sikra kapasiteten og djupna for den eksisterande kaien.

Det vert søkt om dispensasjon frå reguleringsplanen for ein mindre del av kaien som ligg utanfor det området som er sett av til kai i reguleringsplanen. Med unntak av ein liten del av kaien i det vestre hjørnet er tiltaket i tråd med reguleringsplanen.

H2 Hardanger skriv i søknaden at tiltaket vil gje fleire føremoner for ålmenta:

• Ein eksisterande mur under kaien rasar, og denne må sikrast med ny fylling og ny kai.

• Føremålet med reguleringsplanen vert oppfylt ved at kaien kan nyttast.

• Samfunnsnytten er stor, og eksisterande kai er ikkje funksjonell.

Hjartnes meiner at tiltaket ikkje gjev ulemper for naboar eller ålmenta. Nabomerknader finst ikkje.