Har hengt opp julepynt i Norheimsund
Til helga er det fyrste sundag i advent og julegateopning både her og der. Denne veka vart julelysa hengde opp i Norheimsund sentrum.
Norheimsund Næringslag har fått løyve av Vestland fylkeskommune til å hengja opp julelys i Norheimsund sentrum. Det vart søkt om løyve til å hengja opp ei stjerne på sju stolpar langs fylkesvegen og fire på kaien. Løyvet er gjeve for sesongen 2024. Ifylgje vedtaket må stjernene henga minst 2,5 meter over fortauet. Dei skal ikkje skugga for veglys eller blenda bilistane.
Fylkeskommunen gjer merksam på at søknaden er handsama etter veglova, og at Kvam herad må handsama søknaden etter plan- og bygningslova, heiter det i vedtaket.
Annonse
Tysdag hengde Geirmund Storaas og Arve Øyri opp pynten.
