Grunnarbeidet er ferdig på Blekeld
Eit grindverksbygg og ei reiskapsbu til lagring av garn skal reisast på Blekeld i Fitjadalen i haust.
Planen er å starta arbeidet i eller like etter sommarferien. Det fortel leiar i Øystese Jeger- og Fiskarlag (ØJF), Cato Landsvik.
GBS Entreprenør AS har støypt platene til dei to nye bygga og laga ein slippkai med skiferstein, slik at ein kan dra opp båtar. Grunnarbeidet er med andre ord ferdig, og arbeidet med treverk står att. I tillegg vil ein mura ein grillpeis.
Det manglar enno ein detaljert plan, fortel Landsvik. Arbeidet som står att, vert hovudsakleg dugnadsarbeid. Landsvik er på utkikk etter dugnadsfolk. Ein treng ikkje vera medlem av ØJF for å vera med, sjølv om tilbodet går til medlemene fyrst.
Tømmeret er skore og ligg klart. Det har òg byrja å koma stein til peisen. Landsvik hadde ein tanke om å ha alt ferdig til fellesferien, men det har ikkje vore mogleg, seier han til HF.
Les også:
