Gratis straum i fem timar laurdag
Rekordstor import av straum frå Storbritannia fører til at straumen blir gratis i heile Noreg laurdag.
Laurdag kollapsar straumprisane igjen.
Mykje sol fører til overskotsstraum i Storbritannia. Det gjer at det blir svært låge prisar i Noreg.
Artikkelen held fram under annonsen.
Mellom klokka 11 og 16 blir straumen gratis i heile landet, ifølgje Europower.
Døgnprisen på Austlandet og Vestlandet fell til 20 øre/kWh laurdag. Maksprisen blir 42 øre i den første timen etter midnatt. Frå og med klokka 10 er prisen på under 10 øre/kWh, før avgifter og nettleige, i til saman sju timar.
Minsteprisen er på minus 1 øre/kWh klokka 14. Det er botnprisen for heile landet laurdag.
I NO2, som omfattar sørlege del av Vestland, Rogaland, Agder, Telemark og Vestfold, blir snittprisen laurdag på knapt 34 øre/kWh.
I Midt-Noreg fell døgnprisen til 18 øre/kWh, medan nordnorske straumkundar må betale cirka 17 øre/kWh gjennom døgnet.
(©NPK)
