Golis kan verta fyrstekandidat

Tidlegare heradsstyrerepresentant i Kvam og fylkesvaraordførar i Vestland, Natalia A. Golis (MDG), er innstilt som toppkandidat på stortingslista til MDG i Hordaland før valet i 2025. Ho representerer no Bergen.

Ikkje alle ynskjer Golis på topp. To i nominasjonskomiteen, som vart leia av Odd Valland Bovim i Kvam MDG, meiner at Frøya S. Sjursæther, også ho frå Bergen, burde frå plassen. Komiteen er samd om at dersom det skjer, skal alle frå og med 3.- til og med 22.-plass rykkja opp ein plass. Det inneber i så fall at Golis hamnar på sisteplass – ofte omtala som ein heidersplass i slike samanhengar – i staden for Øyvind Strømmen frå Samnanger.

Kari Mostad frå Kvam MDG er føreslegen på 12.-plass på den 22 namn lange lista.

Nominasjonsmøtet i Hordaland valkrins vert avvikla 19. oktober.