Gjorde ingen endringar

Hardangerakademiet i Jondal får 190.000 kroner til utvikling av forretningsplan for satsinga på leirskuledrift. Utval for samfunn, plan og næring gjorde ingen endringar i framlegget frå rådmannen då tildelingane frå næringsfondet vart drøfta onsdag.

Hildegunn Espe (Sp) påpeika at det ikkje stemmer, slik sakspapira tilseier, at leirskuletilbod ikkje finst andre stader i Ullensvang. Det eksisterer nemleg eit i Kinsarvik.

Vedtaket inneber at Hardanger Fjord AS ikkje får stønad, men må venta til bruken av arealet på Hammaren er avklara i kommuneplanen.