Even Øyri (Ap) la fram ideen om å gje 0,2 millionar kommunale kroner til Raudekrossen.

Gjev pengar til naudhjelp

Raudekrossen får 200.000 kroner av Kvam herad til naudhjelpsarbeidet i Ukraina.

Sigbjørn Linga
Bladstyrar
Publisert

Pengane vert henta frå disposisjonsfondet. Det vedtok heradsstyret samrøystes 5. april.

Even Øyri (Ap) forklara valet av organisasjon med at Raudekrossen er ein stor organisasjon med stor røynsle. Han er trygg på at pengane går til det dei skal.

Alle parti utanom Sp hadde på førehand stilt seg bak interpellasjonen. Partiet røysta likevel for løyvinga. Kari Torpe (Sp) forklara diskrepansen slik:

– Me ynskte å bruka pengane i Kvam, for me føler ikkje me er best i klassen. Kanskje Grannehjelpa kunne ha nytta pengane.

raudekrossen politikk nyhende flyktningar og asyl økonomisk politikk
Laga med Labrador CMS