– Gjev dårlegare lydkvalitet
Det er mistanke om ei ekstern støykjelde på mobilnettet i Norheimsund i haust.
Publisert
Sist oppdatert
Det skriv teleoperatøren Telia Company AB til Nasjonal kommunikasjonsmyndigheit (NKOM).
Støyen oppstod om lag 27. september og vara minst til 15. oktober. Frekvensen er 886 megahertz.
Annonse
Saka er lågt prioritert av Telia. Telia ynskjer å ha best mogleg dekningsgrad og lydkvalitet. Støyen gjev truleg lågare lydkvalitet og litt mindre dekningsgrad enn venta. Alt tyder på at det er ei ekstern støykjelde, då fleire basestasjonar som peikar mot same område er råka, og støyen er «svært spissa».
Telia mistenkjer at ei eller fleire eksterne kjelder er årsak til støyen.
