Gjertsen vert rådgjevar

Henrik Nordtun Gjertsen, som stilte til val for Kvam Sp i fjor haust, går av som styreleiar i Norges Bygdeungdomslag (NBU) etter to år i vervet. Han har fått tilbod om å verta politisk rådgjevar i Landbruks- og matdepartementet, ein sjanse han seier at han ikkje kan seia nei til. Det skriv bygdeungdomslaget på heimesida.

Gjertsen har vore aktiv i organisasjonen sidan 2016, og har hatt fleire sentrale verv før han vart vald til styreleiar i 2022. Så seint som i sommar vart han attvald. Han ser tilbake på tida i NBU som særs gjevande og meiner at erfaringane frå organisasjonen har vore viktige for han, ifylgje laget.

Sigrid Heringstad tek over som ny styreleiar, og ho ser fram til å leia organisasjonen vidare.