Gjer seg klare til rotbløyte 

Kriseleiinga i Sørfjorden møttest tysdag kveld for å drøfta stoda. Det er varsla mykje nedbør i form av regn, også høgt til fjells, fram mot torsdag. Skred- og flaumfaren vert stor. 

Brannvesenet og andre kommunale tenester vil verta styrkte om det krevst. Kommunalt tilsette har reinska kummar og sluk, og det er plassert sandsekker fleire stader. Teknisk personell, bilar og maskiner er strategisk lokaliserte, melder KKL i ei pressemelding.

Riksveg 13 er stengd mellom Fresvik og Odda for å vera sikker, og kan verta stengd sør for Odda på kort varsel. Sistnemnde gjeld også fylkesvegar. Fleire kommunale vegar er stengde sånn i tilfelle.

Fleire båtar, mellom dei «Pilagutt» frå Jondal, er mobiliserte. Helsepersonell og kritisk industripersonell har prioritet med tanke på skyss, melder KKL.

Møtet i utval for samfunn, plan og næring i Ullensvang onsdag er endra frå fysisk til digitalt møte.

Også Kvam herad har tysdag sett kriseleiinga i sving med førebyggjande tiltak, men drifta går som vanleg.