Gjekk tom for kroner
Dei siste dagane har det berre vore mogleg å ta ut euro i minibanken i Norheimsund.
Publisert
Sist oppdatert
Årsaka er ifølgje May Turid Tømmervik, avdelingsbanksjef i Sparebanken Vest i Kvam, at minibanken er tom for kroner.
– Det har vore fleire uttak enn vanleg, og automaten har berre euro att, fortel ho.
Annonse
Dei siste kronene forsvann like før helga. Nokas har ansvaret for minibanken. Verksemda er varsla.
– Eg reknar med at dei fyller på i løpet av veka. Det er ikkje heldig at me er utan kroner, sidan mange framleis ønskjer å betala med kontantar, seier Tømmervik.
