— Galskap å ofra naturlandskapet

Det skriv dei i eit innspel til arealdelen av kommuneplanen. Dei meiner lokaliteten burde vore fjerna for mange år sidan, slik at dei som har hus og hytter i området, kan halda fram med «å nyta det fantastiske kultur- og fjordlandskapet og friluftsområdet».

Ekteparet har høyrt om dei moglege tre nye akvakulturområda mellom Samlaneset og Utne for Bremnes Seashore.

— Det er galskap å ofra dette heilt spesielle landskapet for industri, skriv dei.

Dei to ynskjer at strekkja Solesnes–Hesthamar vert verna mot oppdrettsanlegg.

Mælen og Mulen har vore regulert til hytteføremål lenge.

– Det må ha vore ein grov sakshandsamingsfeil å leggja fiskeoppdrett på dørmatta til både bustader i Mælen og hyttefelt på Mulen, skriv ekteparet Røstbø.

Dei to ber om at det må lagast ein samla plan saman med dei andre kommunane i Hardanger.