Fylkesting for fargerik fellesskap

60 av 65 i fylkestinget støtta eit framlegg frå R om å stempla Vestland som antirasistisk sone.

Vedtaket seier mellom anna at opplevd og strukturell rasisme i fylkeskommunal teneste må verta kartlagd, særleg i dei vidaregåande skulane, som grunnlag for tiltak som motverkar rasisme.

Gruppeleiar i R, Jeanette Syversen, seier at Vestland fylkesting no står opp som eit fyrtårn mot rasisme. Vedtaket ville nok aldri fått eit så breitt politisk fleirtal om ikkje tusenvis av innbyggjarane hadde teke til gatene, trur ho.

— Dette er eit vedtak til ære for George Floyd og alle dei som opplever rasismen på kroppen, seier Syversen.

George Floyd er mannen som døydde etter ei brutal pågriping i Minneapolis i Minnesota 25. mai. Drapet utløyste store protestar mot politivald og rasisme over heile verda.