Frp prøvde seg utan hell

Helse i Hardanger AS (HH) i Øystese fekk ikkje ei einaste kroner i revidert nasjonalbudsjett, trass stor lokal innsats. Vel å merka føreslo Frp ein merknad om satsinga då finanskomiteen på Stortinget handsama budsjettet, men denne fekk ikkje fleirtal.

I merknaden heiter det at HH har «tilført helsetjenestene i Norge en ny faglig tilnærming innen fagfeltet rehabilitering, med oppsiktsvekkende gode resultater og kostnadseffektiv behandling». Eit banebrytande arbeid er i ferd med å verta avvikla, heiter det i merknaden, der regjeringa vert oppmoda om å leggja til rette for vidare drift av tilbodet.