Kvam Energi Nett AS vil utbetra ein feil på veglysa langs fylkesvegen i øvre Steinsdalen om lag frå Movatnet og opp til Lid Jarnindustri AS. Det opplyser administrerande direktør Arne Tillung.
Lysa vart mørklagde i samband med torevêret nyleg. Ein lesar gjorde denne veka HF merksam på at gatelysa var ute av drift. Tillung undersøkte saka og sette tilsette til å utbetra feilen. Verksemda har måtta tinga noko nytt utstyr, og ikkje alt er kome enno. Tillung lovar at veglysa vil vera i drift att seinast i neste veke.
