Frå den eine til den andre

Den offisielle overtakinga av Røde Kors-tomta fann stad måndag 15. mai. Leiar for forvalting, drift og bygg i Kvam herad, Stein Rykkje, stilte opp saman med representantar for Røde Kors. Han gjorde ein grovsjekk av huset og fekk overlevert nøklar.

Kvam herad nytta forkjøpsretten då huset vart lagt ut for sal i vår. Ifylgje Rykkje var ei viktig årsak til kjøpet nærleiken til barnehagen. Kva bygget skal brukast til, er enno usikkert.

Leiar i Røde Kors, Andreas Jacobsen, fortel at laget sitt nye lokale i Merwyn-bygget i Øystese har alt laget treng, som samlingsrom, kjøken og toalett, i tillegg til ein garasje med lagringsplass for køyretøy og anna utstyr. Likevel står det att ein del arbeid før laget kan «landa skikkeleg».