Forvaltar kjem på tilsyn
Statsforvaltaren i Vestland skal vurdera dei sosiale tenestene i Kvam.
Publisert
Sist oppdatert
Representantar for Statsforvaltaren er venta til Kvam 20. og 21. mars. Målet er å sjå på korleis det lokale Nav-kontoret handterer ansvaret for å tilby økonomisk rådgjeving til personar i ein vanskeleg økonomisk situasjon, står det i tilsynsvarselet.
Tilsynet vert ein såkalla systemrevisjon. Statsforvaltaren skal gå gjennom både styrande dokument og dokument i brukarsaker. Det vert også intervju av leiarar og tilsette. Samtalar med brukarar vert ein del av tilsynet.
