– Forståeleg at han fekk behov for å ta grep
Retten har forståing for at eitt år med ring-på-spring fekk det til å renna over for ein mann i Kvam.
Likevel har retten dømt mannen til fengsel på vilkår i 45 dagar og ei bot på 10.000 kroner for å ha slege ein mindreårig gut i hovudet sju–åtte gonger i oktober i fjor. Guten, som var utstyrt med sykkelhjelm, vart ikkje skadd då mannen sat oppå han og slo. Mannen sa i retten at han slo med flat hand mot hjelmen.
Mannen tilstod utan atterhald i Hordaland tingrett, og tilståinga vart underbygd av videoopptak som viste kva som hende.
Mannen forklara seg samstundes om bakteppet for hendinga. Retten finn her fleire formildande omstende, på toppen av at mannen tilstod og frivillig leverte videoopptak til politiet. Ifylgje domen hadde mannen og familien nemleg vore plaga over tid av ein ungdomsgjeng som dreiv med såkalla ring-på-spring, det vil seia ringde på døra og sprang vekk. Etter kvart utvikla ugagnet seg til ein «terrorliknande aktivitet» som har vore plagsam og skremmande.
– På denne bakgrunn er det forståeleg at tiltaka har fått behov for å ta grep og få slutt på rette, heiter det i domen.
Retten meiner likevel at mannen gjekk for langt og at kan kunne oppnådd målet utan bruk av vald.
