Føreslår ny stilling
Ullensvang treng ei fast konsulentstilling i teknikk og miljø lokalisert på Hjøllo i Odda, meiner rådmannen.
Den årlege kostnaden med stillinga, 800.000 kroner, skal hentast frå fleire ulike tenesteområde innan tekniske tenester, føreslår han i ei sak til dei folkevalde i juni.
Bakgrunnen for framlegget er stor gjennomtrekk i staben. Sluttsamtalar tyder på at årsaka er at for mykje administrativt og merkantilt arbeid, noko som fører til for lite tid til fagleg arbeid og personalarbeid, skriv rådmannen. Målet er å flytta desse oppgåvene til den nye konsulenten for å hindra at tilsette sluttar.
Konsulenten kan sjå fram til arbeid med mellom anna «refusjonar for sjukemeldingar, fakturering, Compilo, websak, oppfølging av timelister, Visma Tid, ferielister, vaktplanar, sjukemeldingar, søknader, personalmeldingar, Websak og anna førefallande arbeid».
Utval for kultur og levekår drøftar saka 7. juni, før kommunestyret tek avgjerd 19. juni.
