Fordeler pengar til fritidsaktivitetar
Aktivitetar for born og unge kan finansierast på fleire måtar.
Kvam herad har søkt om og fått tilskot frå Utdanningsdirektoratet til sommarskuletilbod og kurs for barn og unge, Ung Fritid sommaren 2021.
Kursa skal gjennomførast i veke 25—27 og 31—33. Søknadsfristen var 10. mai.
Det vert òg utdelt driftstilskot til barne- og ungdomslag. Frivillige lag og organisasjonar som driv kultur- og idrettsarbeid i Kvam kan søkja om dette årleg. Søknadsfristen i denne omgang var 1. mars.
Heradet oppmodar i tillegg alle lag om å delta i Fritidskortet. Alle born og unge i alderen 6–18 år i Kvam får 900 kroner våren 2021 og 1.000 kroner hausten 2021 til å betala faste, organiserte fritidsaktivitetar i frivillige organisasjonar. Ein kan søkja om refusjon viss ein har betalt medlemskap for våren 2021 og ikkje brukt Fritidskortet. Søknadsfristen om refusjon i vår var 20. juni.
