– For hyppig rapportering
Sp synest ikkje Hardangerbadet skal måtta levera besøkstal og periodisert rekneskap så ofte som annankvar månad.
Publisert
Det er framlegget frå rådmannen, og har vore praksisen det siste året i tråd med eit vedtak om kommunalt tilskot i mars i fjor. Jostein Ljones (Sp) spurde i formannskapsmøtet 11. mai om det verkeleg er naudsynt med så hyppige rapportar. Han meiner Hardangerbadet bør få bruka energien på å utvikla og marknadsføra anlegget.
– Det vel hyppig rapportering i forhold til kva me forventar at det skal føra til, sa Ljones, utan at partiet føreslo endringar.
Annonse
Kravet i innstillinga som heradsstyret tek stilling til 24. mai, er at besøkstala er fordelte på ulike billettypar. Det inneber ei innstramming. Denne fordelinga har ikkje vorte rapportert sidan i fjor vår.
