Folk meiner fiskeri og oppdrett er mest berekraftig
Fiskeri og oppdrett blir oppfatta som den mest berekraftige næringa i Noreg i ei ny undersøking.
Det skriv Havforskingsinstituttet.
Når folk blir spurde om kva som er den mest berekraftige næringa i Noreg, svarer 29 prosent fiskeri og oppdrett. Det er nesten dobbelt så mange som svarer olje og gass, som kjem på andreplass. IT, industri og turisme følgjer på dei neste plassane.
Artikkelen held fram under annonsen.
Det er Opinion som har gjort undersøkinga på oppdrag for Havforskingsinstituttet, Universitetet i Bergen og Bergen kommune i samband med havkonferansen The Ocean.
Undersøkinga blei utført blant eit representativt utval av 1000 nordmenn. Det er fjerde gongen undersøkinga har vore gjennomført sidan 2015.
