– Flyktningar i Strandebarmheimen?
Sp, INP og H fekk i desember ikkje gjennomslag for å vurdera Strandebarmheimen som flyktningheim, men prøver igjen.
Publisert
Framlegget om å vurdera alternativet fekk ikkje fleirtal i budsjettmøtet 7. desember. Til heradsstyremøtet 1. februar gjentek Sp oppmodinga i form av eit spørsmål til rådmannen.
Partiet har høyrt rykte om lekkasjar i bygningsmassen, som står tom etter at Strandebarm omsorg på Tangerås vart teken i bruk i fjor. Partiet meiner det er viktig å halda ved like den tidlegare institusjonen uansett kva han skal nyttast til, og vil vita om rådmannen er samd.
