Fleire skjer i sjøen for brannbåten

30. oktober 2023 signerte Kvam herad kontrakt med den svenske båtleverandøren Kampetorp Marin & Fritid (KMF) om kjøp av ny båt til Kvam brann og redning. Ifylgje kontrakten skulle båten ha vore på plass seinast 22. juli.

9. januar sende brannsjef Torleif Ones eit brev til KMF. Han skriv at han er uroa over at prosjektet har teke meir tid enn planlagt, og påpeikar at leveringsdatoen var sett for fleire månader sidan. Difor ville Ones forsikra seg om at det ikkje vert fleire utsetjingar. 

Svaret han fekk, var truleg ikkje det han håpa på.