Fleire innspel til Hareide om Nasjonal transportplan etter besøk på Vestlandet
Knut Arild Hareide har vore på Vestlandet for å få innspel til Nasjonal transportplan. Fleire aktørar og næringsliv har kome med innspel.
– Vi høyrer på dei innspela som kjem inn. Dess klarare og tydelegare innspela er, dess større sjanse er det for at vi tek dei med oss vidare, sa Knut Arild Hareide til Nynorsk pressekontor tysdag.
Hareide hadde vore i møte med NHO Møre og Romsdal for å få innspel til kva næringslivet i fylket meiner er dei viktigaste prioriteringane til Nasjonal transportplan 2022–2033. Tidlegare har han vore i fylka Vestland og Rogaland.
Artikkelen held fram under annonsen.
Ferjefri E39
Sunnmørsposten skreiv tysdag om
Hareide sa til Sunnmørsposten at Møreaksen er eit prosjekt som blir tydeleg prioritert i regionen.
– Men korleis eg skal prioritere det, vil kome fram i Nasjonal transportplan.
Han var negativ til Hafast, som han meinte var eit spennande prosjekt, men seier det er Møreaksen først, så Hafast.
– Eg trur folk og fylka her i større grad enn tidlegare er opptatt av vedlikehald og utbetring av vegar, opp mot nye utbyggingar. Møre og Romsdal er eit fylke som er i forkant av den utviklinga. Der er det eit stort fylkesvegnettverk som krev utbetringar, og det er eit dokumentert etterslep på det, seier Hareide til NPK.
