Fjellstrand-båt nominert til gjæv pris
Den utsleppsfrie hurtigbåten MS «Medstraum» er blant finalistane til å vinna EU-pris.
Publisert
Sist oppdatert
Det opplyser Maritime CleanTech i ei pressemelding.
Prisen heiter European Sustainable Energy Awards, og lyfter fram dei fremste europeiske satsingane innan energieffektivisering og fornybar energi.
Annonse
«Medstraum» er bygt for å vera så energieffektiv som mogleg, og er vesentleg lettare enn tradisjonelle hurtigbåtar, ifylgje Maritime CleanTech. Båten har vore i rutedrift for reiarlaget og mobilitetsselskapet Kolumbus sidan september i fjor.
– Suksessen bak «Medstraum» provar at samarbeid på tvers av verksemder, landegrenser og privat og offentleg sektor er sjølve nøkkelen til å akselerera det grøne skiftet, seier administrerande direktør Ada Jakobsen i Maritime CleanTech.
