Fiskeoppdrettet må reduserast frå Karmøy til Stad
6 av 13 produksjonsområde for fiskeoppdrett langs norskekysten får grønt lys av staten og kan auke produksjonen. I to område må produksjonen reduserast.
Dei to raude områda er Karmøy-Sotra og Nordhordland-Stad. Det raude lyset for desse områda blir vidareførte frå førre fargekart. Raudt lys inneber at produksjonen må reduserast med 6 prosent, ifølgje regjeringa.
Dei resterande fem produksjonsområda får gult lys. To av produksjonsområda som var grøne i 2022, har vorte gule i år. Gult lys inneber at produksjonen verken kan vekse eller må minke. Desse områda er Ryfylke og frå Stad til Bodø.
Artikkelen held fram under annonsen.
– Vi held fram med å leggje til rette for vekst i områda der lakseluspåverknaden på villaks er akseptabel. Det inneber også at produksjonskapasiteten blir halden uendra i fleire område, og at vi reduserer produksjonskapasiteten i område med uakseptabel påverknad, seier fiskeri- og havminister Cecilie Myrseth (Ap) i ei pressemelding.
(©NPK)
