Fire millionar til gang- og sykkelveg
Vestland fylkeskommune stadfestar eit bidrag på fire millionar til det forenkla gang- og sykkelvegprosjektet på Kvamskogen.
Publisert
Sist oppdatert
Det var Frode Nygård (Frp) som i byrjinga av september gjorde fylkeskommunen merksam på at Kvam herad har ferdigstilt reguleringsplanen. Arbeidet har diverre drege noko ut i tid, skreiv han i ein e-post.
Hordaland fylkeskommune var tidlegare inne i biletet i samband med å få prosjektet realisert. Kva kan Vestland fylkeskommune stilla opp med? undra han.
Annonse
Hordaland fylkeskommune lova fire millionar kroner. Summen står ved lag også etter overgangen til Vestland fylkeskommune, svara seniorrådgjevar Beate Mæsel i staben for infrastruktur og veg i fylkeskommunen.
Ein finansieringsavtale krevst for å avklara omfang, kostnader og framdrift, opplyser ho.
