Fiksar pendlartunnel

Vestland fylkeskommune planlegg at Haukanestunnelen i Samnanger skal utbetrast, ifylgje ei pressemelding.

Tunnelen på fylkesveg 49, som mange kvemmingar nyttar på veg til og frå Bergen, er 634 meter lang og vart opna i 1981. No er tida inne for å skifta ut sikringsutstyr, radioanlegg, dabnett, naudskap, rømmingslys og taklys. Også gatelysa utanfor tunnelportalane skal skiftast, slik at tunnelen framleis skal vera trygg.

Av omsyn til trafikken vil arbeidet i tunnelen i hovudsak skje om kvelden og natta, og det vil vera kolonnekøyring. Om dagen vil tunnelen vera open. I området utanfor tunnelen vil det vera vegarbeid, og framkoma her vert noko redusert, fortel byggjeleiar Vibekke Rørgård.

Arbeidet i Haukanestunnelen vil skje måndag til fredag mellom klokka 20 og 06. Han kan verta stengd opp til tre timar samanhengande om natta i særskilde tilfelle, seier Rørgård.

Entreprenør BMO tunnelsikring AS og BMO entreprenør AS skal utføra arbeidet. Arbeidet er rekna til å ta om lag eitt år. Tunnelen vil såleis vera ferdig til neste sommar.