Ferjesamband i normal drift etter motortrøbbel
Ferja på jondalssambandet fekk torsdag morgon motorstopp og byrja driva, men mannskapet fekk motoren i gang att. No er ei reserveferje i drift.
Ein arbeidde i morgontimane intenst med å få på plass ei reserveløysing, og MF «Lærdal» vart i 10-tida sett i drift. Denne ferja låg tilfeldigvis ved verftet Fjellstrand på Omastrand i Kvam, klar til bruk, fortel regionleiar Geir Vangen i Fjord1.Det var lite vind på fjorden i morgontimane torsdag, så det var ingen fare for at MF «Samlafjord» skulle driva i land med det fyrste.– Det var ingen dramatikk, seier Vangen.Han fortel at Hovudredningssentralen vart varsla og at andre kriseprosedyrar vart følgde då motoren stoppa. Fjord1 arbeider med å finna årsaka til motorstansen.Også ferja som går til Varaldsøy i Kvinnherad, er innstilt som følgje av tekniske vanskar, medan den nemnde ferja mellom Gjermundshamn og Årsnes går som normalt. Den innstilte ferja er venta å vera i drift att klokka 13, melder Vegtrafikksentralen.Den elektriske ferja MF «Samlafjord» vart sett i drift ved årsskiftet, men er enno ikkje driven med elektrisk kraft. Ferja kan ta 130 personbileiningar, medan MF «Lærdal» har ein kapasitet på 75.
