Fem tips om strøing av glatte vegar og trapper
Det skiftande vintervêret, med snø og regn om einannan, gjer at det blir ekstremt glatt. Her er fem råd til korleis ein kan gjere vegar, trapper og oppkøyrsler framkomelege.
Det er byggvarekjeda Byggmax som har sendt ut desse råda til publikum:
1: Før du startar strøinga, må du sikre deg sjølv. Ha på gode sko, gjerne med broddar, slik at du held deg på beina.
2: Kjenn til effekten på strøet. Salt smeltar isen, medan strøsingel gjer isen meir ru. Varm strøsingel smeltar seg litt ned i isen og gir ein god sandpapireffekt. På skikkeleg blankis er det mogleg å blande strøsingel med sand og kokvarmt vatn.
3: Strø nok. Pass på at du har strødd nok til å få skikkeleg fotfeste. Vanleg strømengd er cirka 200 gram per kvadratmeter.
4: Bruk salt med omhug. Salt fungerer dårleg på tjukk is. Om du strør store mengder salt på betong kan han også smuldre. Ver også forsiktig med å strø salt på trevirke, sidan det kan danne merker og stygge skjoldar.
5: Bruk rett strømiddel. På hardt underlag som i trappar gjer salt seg godt om du vil ha isen vekk, men det beste er å strø på salt før isen kjem. I snøvêr er det best med grovare grus.
(©NPK)
